قۋانىشتى حابار: ايدارشا ۆيرۋسىنىڭ ۆاكسيناسى زەرتتەلۋ ۇستىندە

جۇڭگو اۋرۋدى تىزگىندەۋ ورتالىعى ۆيرۋس زەرتتەۋ ٴبولىمى شۇعىل جاعدايعا توتەپ بەرۋ تەحنيكالىق ورتالىعىنىڭ جاۋاپتىسى تان ۋىنجيە كەشە بىلاي دەپ تانىستىردى: كەزەكتە ٴبىز ون نەشە ناۋقاستىڭ جاڭا ٴتيپتى ايدارشا ۆيرۋسى تۇتاس گەن توبىنىڭ رەت تارتىبىنە يە بولدىق ٴارى بۇل تۇردەگى ۆيرۋس پەن SARS تىڭ بىرتىندەپ دامۋ كۇيىنىڭ وتە جۋىق ەكەنىن بايقادىق، SARS تىڭ جاماعايىن تۋىسى ەسەپتى. الايدا ٴبىز بىلاي دەپ قارايمىز، جاڭا ٴتيپتى بۇل ۆيرۋس توراپتا ايتىلىپ جۇرگەن SARS تىڭ دامىعان ٴتۇرى ەمەس، باسقا ٴبىر تۇردەگى جاڭاشا ۆيرۋس.

تان ۋىنجيە بىلاي دەدى: جاڭا ٴتيپتى ۆيرۋس جىجياڭ ولكەسى جوۋشان قالاسىنداعى ٴبىر ٴتۇرلى جارقاناتتىڭ دەنەسىندەگى ايدارشا ۆيرۋسپەن ٪90 ۇقسايدى، شەتەلدەگى زەرتتەۋشىلەر دە تاعى ٴبىر تۇردەگى جارقاناتتىڭ دەنەسىندەگى ايدارشا ۆيرۋستىڭ ايتىلمش ۆيرۋسپەن ۇقساستىعى ٪96 جەتەتىنىن ايتىپ وتىر، ۇقساستىعى مۇنشالىق جوعارى بولسا دا، جاڭا ٴتيپتى ايدارشا ۆيرۋسىنىڭ قاينارى بۇل تۇردەگى جارقاناتتاردا دەۋگە كەلمەيدى.

جۇڭگو اۋرۋدى تىزگىندەۋ ورتالىعى ۆيرۋس زەرتتەۋ ٴبولىمىنىڭ جاۋاپتىسى شۇي ۋىنبو وسى ايدىڭ 26-كۇنى تىلشىگە، بۇل ورتالىقتىڭ جاڭا ٴتيپتى ايدارشا ۆيرۋسىنىڭ ۆاكسيناسىن زەرتتەپ-جاساۋدى باستاپ، ۆيرۋستى ٴساتتى ايىرىپ شىعىپ، دەرتتەندىرگىش تۇقىمىن سارالاپ جاتقاندىقتارىن ايتقان. بۇدان سىرت، جۇڭگو ىندەتتىڭ الدىن الۋ ورتالىعى جاڭا ٴتيپتى ايدارشا ۆيرۋسىمەن جۇعىمدالعان وكپە قابىنۋ اۋرۋىنا ەم بولاتىن ٴدارىنى تاڭداۋدا ەكەن.

اۋدارعان: قاۋسىلقان قاسىمقان ۇلى